Sivle i dag!

 

Sivle er ein gamal verneverdig gard, som ligg på Stalheim ved Voss.
Sivle gard kan tilby overnatting i gamle tradisjonsrike hus, av god standard,
du kan nyta god heimalaga tradisjonsmat i unike bygningar.
Oppleva storslagen og mektig vestlandsnatur, og allsidig økologisk gardsdrift
med sauahald, høns og hest.

Råvarene som vert produsert på garden vil me foredla og nytta i servering på garden.

Sivle gard har store utmarksressursar med løyve til småviltjakt og storviltjakt,
som me kan tilby våre gjester om det er ynskjeleg.

 

I fylgje gardssoga veit ein at det har vore busetnad på Sivle sidan 1500 talet. Garden vart rekna for å vera ein god gard etter vestlandsk målestokk.

På garden er det fleire gamle fine laftahus, som er i nokolunde bra stand.
Aorestova og gamlastova er bygt i lag, og er frå om lag 1500/1600 talet.
Det er hovudhuset på garden.
Det er ei kårastova, som er frå 1700/1800 talet.
Bualoftet er nok frå om lag 1600 talet.
Alle husa har vorte kledd utvendig, og vorte restaurert, modenisert etter dei ulike tidsepokane
I tillegg har det stått smia, fleire uteløer og ein vårfjos på eigedomen, desse bygningane er alle nedrivne. Den gamle driftbygningen vart rive i 1961, og same året bygde bestefaren min opp ein ny driftbygning. Her har vore drive hovedsakleg med geit og sau, og all hausting og transport vart gjort med hest.

Under garden Sivle ligg husmannsplassen Naole, her budde det folk fram til 1930.
Den gamle ferdslevegen til Jordalen gjekk igjennom tunet på Sivle , forbi husmannsplassen Naole.
I dag er vegen ut i Naole restaurert, og er ein fin tur i storslagen og mektig natur.

Garden har store utmarksbeite, støl i Berdalen, fjellbeite og jaktrettar.

Garden overtok eg i 2003, etter dei forrige eigarane som eigde ¼ del kvar. Garden har ikkje vore drive sidan 1974, jorda har vore bortleigd, og eigarane har etter beste evne vedlikehalde husa.